മോളേ സൂക്ഷിച്ച് .. കുളമുണ്ടവിടെ ..
Showing posts with label nostalgia. Show all posts
Showing posts with label nostalgia. Show all posts
ഇഷ്ടം
പരീക്ഷ കഴിഞ്ഞ് ഉത്സവത്തിനായി ആറ്റുനോറ്റിരിക്കുക ... രാത്രി കഥകളിക്ക് വിളക്ക് വൈക്കും നേരം വരെ വളക്കടയിൽ ആളൊഴിയുന്നതും നോക്കിയിരിക്കുക .. ബാക്കി വച്ച പണം കൊണ്ടവൾക്ക് വളകൾ വാങ്ങുക .. അവൾ ദീപാരാധന കഴിഞ്ഞ് പോകുന്നതും കാത്ത് പടിഞ്ഞാറേ ആൽത്തറയിൽ പൊതിവച്ച് ആലിനു പിന്നിൽ ചെറു ചാറ്റൽ മഴയിലും വിയർത്തൊലിച്ച് ഒളിച്ചിരിക്കുക ..
ഇനി കിട്ടില്ലാ ആ ദിനങ്ങൾ തിരികേ ....!
അപ്പൂപ്പന്‍‌താടിപ്പൂ
അപ്പൂപ്പന്‍ താടിപ്പൂ .. അഥവാ എരിക്കിന്‍ പൂ.
(നോയിസ് കൂടിയോ? എങ്കില്‍ ക്ഷമിക്കുക :) )
എഞ്ചടാ കണ്ണാ ...
കഴിഞ്ഞുപോയ ആ നല്ല കാലങ്ങള്‍ .. മറവിയില്‍ മാഞ്ഞു തുടങ്ങിയ കുടും‌ബാംഗങ്ങള്‍ .. അവര്‍ പെട്ടെന്നു ഇന്നു എന്റെ ഓര്‍മ്മയിലേക്ക് പാല്‍ ചുരത്തി വന്നു .. ഇന്നിവര്‍ വീട്ടിലില്ല, ശേഷിപ്പായി പണ്ടേ ഈര്‍പ്പമുണങ്ങിയ തൊഴുത്തും ബാക്കിവച്ചിട്ട് പോയ വൈക്കോല്‍ത്തുറുവും മാത്രം...
ശക്തി ആര്‍ക്ക് ?
ഓര്‍മ്മയുണ്ടോ ... മതിലിന്‍‌മുകളില്‍ വലിഞ്ഞൂ കയറി, നെഞ്ചോരഞ്ഞത് കൂട്ടാ‍ക്കതെ അതില്‍ പിടിച്ച് ഇരിക്കുന്ന പായലില്‍ ശക്തന്‍ എന്നു തോന്നുന്ന ഒന്നു പറിച്ച് “ശക്തി ആര്‍ക്ക്” കളിച്ചിരുന്നതു? ഒടക്കി വലിക്കൂ‌മ്പോള്‍ എന്റേത് എപ്പോഴും പെട്ടന്ന് പൊട്ടിപോകുമായിരുന്നു .. എന്നാലും ഉത്സാഹത്തില്‍ എപ്പോഴും മുന്നിലും ആയിരുന്നു ഞാന്‍ .. എന്റെ കളികൂട്ടുകാര്‍, എന്റെ പെങ്ങള്‍ .. അവര്‍ ഒക്കെ വളരെ തിരക്ക് പിടിച്ച ജീവിതത്തില്‍ വ്യാപൃതര്‍ .. ഒരിക്കല്‍ ഒരു ദിവസം കൂടി എനിക്കാ പഴയ ദിവസങ്ങള്‍ ദൈവം തന്നിരുന്നെങ്കില്‍ ...
ഓണാശംസകള്‍ ...
എല്ലാവര്‍ക്കും എന്റെ സ്നേഹം നിറഞ്ഞ ഓണാശംസകള്‍ .. ഐശ്വര്യത്തിന്റെ ആഘോഷമായ ഈ ഓണത്തിനു “എല്ലാവര്‍ക്കും ഒരു നേരം എങ്കിലും നല്ല ഭക്ഷണം കിട്ടുമാകാറാകണേ ഭഗവാനേ“ എന്നു നമുക്കു പ്രാര്‍ത്ഥിക്കാം ..
മഴത്തുള്ളിക്കിലുക്കം ..
കാലവര്‍ഷം തുടങ്ങി .. പാടത്തും കുളങ്ങളിലും തൊടിയിലും മറ്റും വെള്ളക്കെട്ടുകള്‍ വന്നു തുടങ്ങി .. മലയാളികള്‍ക്കിതു നോസ്റ്റല്‍ജിയയുടേയും പച്ചപ്പിന്റേയും കുളിര്‍കാലം .. ഇന്നുച്ചക്ക് മഴ ഒന്നു വിശ്രമിക്കാന്‍ തൈച്ചുവട്ടിലേക്ക് മാറിയിരുന്ന സമയത്തെടുത്ത ഒരു പടം ..
ഗര്‍ഭിണി
പെയ്തൊഴിയാന്‍ ഗര്‍ഭിണിയെപ്പോലെ മുട്ടി നില്‍ക്കുന്ന ആകാശം ... വീശിയടിക്കുന്ന കായല്‍ക്കാറ്റ്, മഴയേല്‍ക്കാന്‍ കൊതിച്ചു നില്‍ക്കുന്ന ഭൂമി .. ഒരു നോസ്റ്റല്‍ജിക്ക് കായല്‍ ഷോട്ട് .. കുട്ടനാട്ടില്‍ നിന്നും.
.
.
Subscribe to:
Posts (Atom)
